ਪੀਟਰ ਰੇੜਾ ਦਰੱਖਤ ਨਾਲ ਟਕਰਾਈ ਡਰਾਈਵਰ ਦੀ ਮੌਤ ਦੋ ਸਾਥੀ ਜ਼ਖਮੀ

ਕਾਦੀਆਂ 14 ਮਾਰਚ (ਸਲਾਮ ਤਾਰੀ)
ਬੀਤੀ ਰਾਤ ਹਰਚੋਵਾਲ ਦੇ ਨੇੜੇ ਇਕ ਪੀਟਰ ਰੇਹੜਾ ਸ਼ੜਕ ਦੇ ਕਿਨਾਰੇ ਰੁੱਖਾਂ ਨਾਲ ਜਾ ਟਕਰਾਇਆ।ਇਸ ਹਾਦਸੇ ਵਿੱਚ ਡਰਾਈਵਰ ਦੀ ਮੌਤ ਹੋ ਗਈ ਅਤੇ ਉਸਦੇ 2 ਸਾਥੀ ਜਖ਼ਮੀ ਹੋ ਗਏ। ਮਿਤਕ ਦੀ ਪਛਾਣ ਦਾ ਦਾਨਾ ਮਸੀਹ ਵਾਸੀ ਹਰਚੋਵਾਲ ਵਜੋਂ ਹੋਈ ਹੈ। ਇਸ ਤੋਂ ਇਲਾਵਾ ਜਖਮੀਆਂ ਦੀ ਪਛਾਣ ਅਮਰਜੀਤ ਅਤੇ ਡਿੰਪਲ ਵਜੋਂ ਹੋਈ ਹੈ ਜੋ ਕਿ ਪਿੰਡ ਹਰਚੋਵਾਲ ਦੇ ਹੀ ਰਹਿਣ ਵਾਲੇ ਹਨ। ਪੁਲਸ ਵੱਲੋਂ ਦਿੱਤੀ ਸੂਚਨਾ ਅਨੁਸਾਰ ਪੀਟਰ ਰੇਹੜੇ ਦੇ ਸਵਾਰ ਵਿਅਕਤੀ ਸ੍ਰੀ ਹਰਗੋਬਿੰਦਪੁਰ ਨੇੜੇ ਪੈਂਦੇ ਭੱਠੇ ਉੱਤੇ ਪਰਤ ਰਹੇ ਸਨ। ਜਦੋਂ ਉਹ ਹਰਚੋਵਾਲ ਦੇ ਕੋਲ ਪਹੁੰਚੇ ਤਾਂ ਰਾਤ ਦੇ ਹਨੇਰੇ ਵਿੱਚ ਉਹਨਾਂ ਦਾ ਪੀਟਰ ਰੇਹੜਾ ਇੱਕ ਰੁੱਖ ਨਾਲ ਟਕਰਾ ਕੇ ਚਕਨਾਚੂਰ ਹੋ ਗਿਆ। ਉਹਨਾਂ ਨੇ ਕਿਹਾ ਕਿ ਮ੍ਰਿਤਕ ਦੀ ਲਾਸ਼ ਨੂੰ ਗੁਰਦਾਸਪੁਰ ਵਿਖੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ ਅਤੇ ਜ਼ਖਮੀ ਵਿਅਕਤੀ ਅੰਮ੍ਰਿਤਸਰ ਦੇ ਇਕ ਹਸਪਤਾਲ ਵਿਚ ਜੇਰੇ ਇਲਾਜ ਹਨ।