ਕਾਦੀਆਂ ਵਿੱਚ ਤੇਂਦੂਆ ਨਹੀਂ ਸੀਵਟ ਕੈਟ ਪ੍ਰਾਣੀ ਮਿਲਿਆ: ਜੰਗਲਾਤ ਵਿਭਾਗ

ਕਾਦੀਆਂ/28 ਅਪਰੈਲ (ਸਲਾਮ ਤਾਰੀ)

ਇਨ੍ਹੀਂ ਦਿਨੀਂ ਕਾਦੀਆਂ ਵਿੱਚ ਅਫ਼ਵਾਹਾਂ ਦਾ ਬਾਜ਼ਾਰ ਕਾਫ਼ੀ ਗਰਮ ਹੈ ਲੋਕਾਂ ਵੱਲੋਂ ਝੂਠੀਆਂ ਵੀਡੀਉ ਅਤੇ ਫ਼ੋਟੋਆਂ ਸੋਸ਼ਲ ਮੀਡੀਆ ਵਿੱਚ ਸ਼ੇਅਰ ਕੀਤੀਆਂ ਜਾ ਰਹਿਆਂ ਹਨ ਕਿ ਕਾਦੀਆਂ ਦੇ ਨੇੜਲੇ ਪਿੰਡ ਨੂੰ ਬਾਗ਼ਬਾਨਾਂ ਕੋਲ ਤੇਂਦੂਆ ਵੇਖਣ ਨੂੰ ਮਿਲਿਆ ਹੈ। ਜਦਕਿ ਤੇਂਦੂਆ ਮਿਲਣ ਦੀ ਕੀਤੀ ਜਾ ਰਹੀ ਗੱਲ ਨੂੰ ਜੰਗਲਾਤ ਵਿਭਾਗ ਦੇ ਅਧਿਕਾਰੀ ਸ਼ਕਤੀ ਕਪੂਰ ਨੇ ਨਕਾਰਦੇ ਹੋਏ ਕਿਹਾ ਹੈ ਕਿ ਕਾਦੀਆਂ ਅਤੇ ਆਲੇ ਦੁਆਲੇ ਦੇ ਪਿੰਡਾ ਵਿੱਚ ਕੋਈ ਤੇਂਦੂਆ ਨਹੀਂ ਮਿਲਿਆ ਹੈ। ਇਹ ਮਹਿਜ਼ ਅਫ਼ਵਾਹਾਂ ਹਨ। ਲੋਕੀ ਇਸ ਵੱਲ ਕੋਈ ਧਿਆਨ ਨਾ ਦੇਣ। ਉਨ੍ਹਾਂ ਅੱਗੇ ਦੱਸਿਆ ਜਿਸ ਪ੍ਰਾਣੀ ਦੇ ਮਿਲਣ ਦੀ ਗੱਲ ਕਹੀ ਜਾ ਰਹੀ ਹੈ ਅਸਲ ਵਿੱਚ ਉਹ ਸੀਵਟ ਕੈਟ ਹੈ। ਅਤੇ ਇਹ ਪ੍ਰਾਣੀ ਕਿਸੇ ਪ੍ਰਾਣੀ ਕਿਸੇ ਤਰ੍ਹਾਂ ਦਾ ਕੋਈ ਨੁਕਸਾਨ ਨਹੀਂ ਕਰਦਾ ਹੈ। ਭਾਰਤ ਵਿੱਚ ਇਹ ਪ੍ਰਾਣੀ ਵੀਲੁਪਤ ਹੁੰਦਾ ਜਾ ਰਿਹਾ ਹੈ। ਇਸ ਨੂੰ ਬੀਤੀ ਦਿਨੀਂ ਕਾਦੀਆਂ ਵਾਈਟ ਐਵਨਿਉ ਦੇ ਨੇੜੇ ਸਥਿਤ ਸਫ਼ੈਦੇ ਦੇ ਦਰਖ਼ਤ ਤੇ ਵੇਖਿਆ ਗਿਆ ਸੀ। ਸੀਵਟ ਕੈਟ ਨੂੰ ਨਈਮ ਅਹਿਮਦ ਨੇ ਆਪਣੀ ਅੱਖੀਂ ਖ਼ੁਦ ਵੇਖਿਆ ਅਤੇ ਉਨ੍ਹਾਂ ਇਸ ਦੀ ਵੀਡੀੳ ਵੀ ਬਣਾਈ।ਜਿਸ ਨੂੰ ਉਨ੍ਹਾਂ ਪੱਤਰਕਾਰਾਂ ਨੂੰ ਸਾਂਝਾ ਕੀਤਾ।  ਪੱਤਰਕਾਰ ਨੇ  ਸਚਾਈ ਦੀ ਜਾਂਚ ਕੀਤੀ ਤਾਂ ਨਈਮ ਵੱਲੋਂ ਕੀਤਾ ਦਾਅਵਾ ਸਹੀ ਨਿਕਲਿਆ।  ਦੂਜੇ ਪਾਸੇ ਬੀਤੇ ਦਿਨੀਂ ਚੀਮਾ ਖੁੱਡੀ ਵਿੱਚ ਰਾਤ ਦੇ ਸਮੇਂ ਇੱਕ ਤੇਂਦੂਆ ਵੇਖਣ ਨੂੰ ਮਿਲਿਆ ਸੀ। ਖੁੱਡੀ ਪਿੰਡ ਵਿੱਚ ਰਹਿੰਦੇ ਇੱਕ ਕਿਸਾਨ ਮੱਖਣ ਸਿੰਘ ਦੇ ਘਰ ਕੁੱਝ ਮਹਿਮਾਨ ਆਏ ਹੋਏ ਸਨ। ਰਾਤ ਦੇ ਸਮੇਂ ਉਨ੍ਹਾਂ ਇੱਕ ਮਹਿਮਾਨ ਜਸਪਾਲ ਸਿੰਘ ਪਿਸ਼ਾਬ ਕਰਨ ਲਈ ਉੱਠਿਆ ਤਾਂ ਉਸ ਨੇ ਵੇਖਿਆ ਦੀ ਦੀਵਾਰ ਤੇ ਇੱਕ ਤੇਂਦੂਆ ਬੈਠਾ ਹੋਇਆ ਸੀ। ਜਿਸ ਤੇ ਜਸਪਾਲ ਸਿੰਘ ਨੇ ਆਪਣੇ ਚਾਚੇ ਮੱਖਣ ਸਿੰਘ ਨੂੰ ਉਠਾਇਆ। ਇਨ੍ਹਾਂ ਨੇ ਮੋਟਾ ਸੋਟਾ ਲੈ ਕੇ ਤੇਂਦੂਏ ਨੂੰ ਜਦੋਂ ਮਾਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਤੇਂਦੁਏ ਨੇ ਸੋਟੇ ਨੂੰ ਆਪਣੇ ਮੂੰਹ ਚ ਖਿੱਚ ਲਿਆ। ਇਸੇ ਖਿੱਚ ਧੂੰ ਵਿੱਚ ਨੌਜਵਾਨ ਦੇ ਦੀਵਾਰ ਨਾਲ ਟੱਕਰ ਲੱਗਣ ਕਾਰਨ ਸੱਟ ਵੱਜ ਗਈ। ਇਸ ਬਾਰੇ ਮੱਖਣ ਸਿੰਘ ਨੇ ਦੱਸਿਆ ਕਿ ਅਸੀਂ ਘਰ ਦੇ ਬਰਾਮਦੇ ਵਿੱਚ ਸੋ ਰਹੇ ਸਨ। ਗ਼ਨੀਮਤ ਇਹ ਰਹੀ ਕਿ ਤੇਂਦੂਏ ਦਾ ਧਿਆਨ ਉਨ੍ਹਾਂ ਵੱਲ ਨਹੀਂ ਗਿਆ। ਵਰਨਾ ਉਹ ਜਾਨੀ ਨੁਕਸਾਨ ਕਰ ਸਕਦਾ ਸੀ। ਇਸ ਬਾਰੇ ਮਹਿਕਮਾ ਜੰਗਲਾਤ ਦੇ ਅਧਿਕਾਰੀ ਸ਼ਕਤੀ ਕਪੂਰ ਨੇ ਜਾਣਕਾਰੀ ਦਿੱਤੀ ਕਿ ਅਸੀਂ ਚੀਮਾ ਖੁੱਡੀ ਪਿੰਡ ਵਿੱਚ ਮੱਖਣ ਸਿੰਘ ਦੇ ਖੇਤਾਂ ਵਿੱਚ ਤੇਂਦੂਏ ਨੂੰ ਫ਼ੜਨ ਲਈ ਪਿੰਜਰਾ ਰੱਖ ਦਿੱਤਾ ਹੈ। ਅਤੇ ਆਲੇ ਦੁਆਲੇ ਕੈਮਰੇ ਵੀ ਲਗਵਾ ਦਿੱਤੇ ਹਨ। ਦੂਜੇ ਪਾਸੇ ਇਸੇ ਹੀ ਪਿੰਡ ਦੀ ਵਸਨੀਕ ਬਲਵਿੰਦਰ ਕੌਰ ਨੇ  ਦੱਸਿਆ ਕਿ ਉਨ੍ਹਾਂ ਦੀ ਖੋਲੀ ਵਿੱਚ ਇੱਕ ਬੱਕਰੀ ਰੱਸੀ ਨਾਲ ਬਣੀ ਹੋਈ ਸੀ। ਅਤੇ ਨੇੜੇ ਹੀ ਮੱਝਾਂ ਵੀ ਬਣਿਆ ਹੋਇਆ ਸਨ। ਜਦੋਂ ਅਸੀਂ ਸਵੇਰੇ ਉੱਠੇ ਤਾਂ ਵੇਖਿਆ ਕਿ ਬੱਕਰੀ ਦਾ ਸਿਰਫ਼ ਸਿਰ ਬੱਚਿਆ ਹੈ। ਬਾਕੀ ਦਾ ਹਿੱਸਾ ਕੋਈ ਜਾਨਵਰ ਖਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਕੋਈ ਜਾਨਵਰ ਆਇਆ ਸੀ ਜਿਸ ਨੇ ਸਾਡੀ ਬਕਰੀ ਨੂੰ ਖਾ ਲਿਆ। ਪਰ ਅਸੀਂ ਆਪਣੀ ਅੱਖੀਂ ਕੋਈ ਜੰਗਲੀ ਜਾਨਵਰ ਘੁੰਮਦਿਆਂ ਨਹੀਂ ਵੇਖਿਆ। ਦੂਜੇ  ਪਾਸੇ ਚੀਮਾ ਖੁੱਡੀ ਦੇ ਬਲਾਕ ਸੰਮਤੀ ਮੈਂਬਰ ਜੋਗਿੰਦਰ ਸਿੰਘ ਨੇ ਦੱਸਿਆ ਕਿ ਚੀਮਾ ਖੁੱਡੀ ਪਿੰਡ ਵਿੱਚ ਤੇਂਦੂਏ ਦੇ ਨਿਕਲਣ ਕਾਰਨ ਦਹਿਸ਼ਤ ਦਾ ਮਾਹੌਲ ਹੈ। ਉਨ੍ਹਾਂ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਜਿਨ੍ਹਾਂ ਦਾ ਨੁਕਸਾਨ ਤੇਂਦੂਏ ਦੇ ਹਮਲੇ ਵਿੱਚ ਹੋਇਆ ਹੈ ਉਨ੍ਹਾਂ ਨੂੰ ਮੁਆਵਜ਼ਾ ਦਿੱਤਾ ਜਾਵੇ।