ਕਾਦੀਆਂ 21 ਮਾਰਚ (ਸਲਾਮ ਤਾਰੀ)
ਸਰਕਾਰੀ ਸਕੂਲਾਂ ਦੀ ਨੁਹਾਰ ਬਦਲਣ ਵਿੱਚ ਸਰਕਾਰ ਵਿਸ਼ੇਸ਼ ਪਹਿਲਕਦਮੀ ਕਰ ਰਹੀ ਹੈ, ਉਥੇ ਐਨ. ਆਰ.ਆਈ ਵੀਰਾਂ ਦਾ ਵਿਸ਼ੇਸ਼ ਯੋਗਦਾਨ ਰਿਹਾ ਹੈ। ਅੱਜ ਸਰਕਾਰੀ ਹਾਈ ਸਕੂਲ ਬਸਰਾਏ ਵਿੱਚ ਪੁਰਾਣੇ ਅਤੇ ਐਨ. ਆਰ. ਆਈ. ਵਿਦਿਆਰਥੀ ਸਰਦਾਰ ਸੁਰਜੀਤ ਸਿੰਘ ਨੇ ਸਕੂਲ ਦੇ ਵਿਕਾਸ ਲਈ 10000 ਅਤੇ 25000 ਰੁਪਏ ਦੇ ਕੇ ਸਕੂਲ ਵਿਦਿਆਰਥੀ ਹੋਣ ਦਾ ਫਰਜ਼ ਪੂਰਾ ਕੀਤਾ। ਹੈੱਡਮਾਸਟਰ ਕਮ ਬੀ.ਐਨ.ਓ ਨੇ ਦੱਸਿਆ ਕਿ ਸਕੂਲ ਗੇਟ ਦੀ ਨੁਹਾਰ ਬਦਲਣ ਵਿੱਚ ਸਰਦਾਰ ਸੁਰਜੀਤ ਸਿੰਘ ਨੇ ਵਿਸ਼ੇਸ਼ ਯੋਗਦਾਨ ਪਾਇਆ,ਉਨਾਂ ਨੇ ਭਵਿਖ ਵਿਚ ਵੀ ਮਦਦ ਕਰਨ ਦਾ ਭਰੋਸਾ ਦਿੱਤਾ ਅਤੇ ਹੈੱਡਮਾਸਟਰ ਕਮ ਬੀ.ਐਨ.ਓ ਅਤੇ ਸਟਾਫ ਵਲੋਂ ਕੀਤੇ ਕਾਰਜਾਂ ਦੀ ਸ਼ਲਾਘਾ ਕੀਤੀ ਅਤੇ ਪਿੰਡ ਵਾਸੀਆਂ ਨੂੰ ਸਰਕਾਰੀ ਸਕੂਲਾਂ ਵਿੱਚ ਮਿਲਦੀਆਂ ਸਹੂਲਤਾਂ ਦਾ ਫਾਇਦਾ ,ਬੱਚੇ ਸਰਕਾਰੀ ਸਕੂਲਾਂ ਵਿੱਚ ਦਾਖਲ ਕਰਵਾ ਕੇ ਲੈਣਾ ਚਾਹੀਦਾ ਹੈ। ਇਸ ਸਮੇਂ ਹੈੱਡਮਾਸਟਰ ਕਮ ਬੀ.ਐਨ.ਓ ਵਿਜੈ ਕੁਮਾਰ ਨੇ ਸਨਮਾਨ ਚਿੰਨ੍ਹ ਦੇ ਕੇ ਨੂੰ ਸਨਮਾਨਿਤ ਕੀਤਾ। ਇਸ ਮੌਕੇ ਪਲਵਿੰਦਰ ਸਿੰਘ, ਜਗਦੀਸ਼ ਸਿੰਘ ਸਾਬਕਾ ਫੌਜੀ, ਮਹਿੰਦਰ ਸਿੰਘ, ਕੁਲਦੀਪ ਸਿੰਘ ਅਤੇ ਸਮੂਹ ਸਟਾਫ਼ ਸਹਸ ਬਸਰਾਏ ਹਾਜਰ ਸਨ।
