ਗੁਰਦਾਸਪੁਰ ,4 ਅਕਤੂਬਰ ( ਮੁਨੀਰਾ ਸਲਾਮ ਤਾਰੀ) ਨੈਸ਼ਨਲ ਹਾਈਵੇ 354, ਰਾਮਦਾਸ ਤੋ ਗੁਰਦਾਸਪੁਰ ਤੱਕ ਗਰੀਨਿੰਗ ਹਾਈਵੇ ਪ੍ਰੋਜੈਕਟ, ਕਲਾਨੋਰ ਵਿਖੇ, ਸ ਸੁਖਜਿੰਦਰ ਸਿੰਘ ਰੰਧਾਵਾ, ਉੱਪ ਮੁੱਖ ਮੰਤਰੀ ਪੰਜਾਬ ਵਲੋ ਪੌਦਾ ਲਗਾ ਕੇ ਲੋਕ ਸਮਰਪਿਤ ਕੀਤਾ ਗਿਆ । ਇਸ ਮੌਕੇ ਬਰਿੰਦਰਮੀਤ ਸਿੰਘ ਪਾਹੜਾ, ਵਿਧਾਇਕ ਹਲਕਾ ਗੁਰਦਾਸਪੁਰ ਵੀ ਮੌਜੂਦ ਸਨ । ਉੱਪ ਮੁੱਖ ਮੰਤਰੀ ਵਲੋ ਵਧੀਆ ਕਿਸਮ ਦੇ ਪੌਦੇ ਲਗਾਉਣ ਅਤੇ ਉਹਨਾ ਨੂੰ ਪਾਲਣ ਦੀ ਹਦਾਇਤ ਕੀਤੀ ਗਈ ।
ਜਰਨੈਲ ਸਿੰਘ ਵਣ ਮੰਡਲ ਅਫਸਰ ਗੁਰਦਾਸਪੁਰ ਨੇ ਦੱਸਿਆ ਕਿ ਇਸ ਪ੍ਰੋਜੈਕਟ ਤਹਿਤ ਇਸ ਸੜਕ ਦੇ ਕਿਨਾਰਿਆ ਤੇ 33450 ਪੌਦੇ ਲਗਾਏ ਜਾ ਰਹੇ ਹਨ । ਇਹ ਪ੍ਰੋਜੈਕਟ ਨੈਸ਼ਨਲ ਹਾਈਵੇ ਅਥਾਰਟੀ ਵਲੋ ਫਤਹਿ ਕੀਤਾ ਜਾ ਰਿਹਾ ਹੈ । ਉਹਨਾ ਦੱਸਿਆ ਕਿ ਸ ਸੰਗਤ ਸਿੰਘ ਗਿਲਜੀਆ ਵਣ ਮੰਤਰੀ ਪੰਜਾਬ ਅਤੇ ਪਰਵੀਨ ਕੁਮਾਰ ਆਈ.ਐਫ.ਐਸ ਪਰਧਾਨ ਮੁੱਖ ਵਣ ਪਾਲ ਪੰਜਾਬ ਦੇ ਦ੍ਰਿਸ਼ਾਂ ਨਿਰਦੇਸ਼ਾਂ ਅਨੁਸਾਰ ਵਧੀਆ ਕਿਸਾਨ ਦੇ ਪੌਦੇ ਲਗਾਏ ਜਾ ਰਹੇ ਹਨ । ਜਿਸ ਨਾਲ ਵਾਤਾਵਰਨ ਵਿਚ ਸੁਧਾਰ ਦੇ ਨਾਲ ਨਾਲ ਮਧੂ ਮੱਖੀ ਪਾਲਕਾ ਨੂੰ ਵੀ ਮੱਖੀ ਪਾਲਣ ਲਈ ਫੁੱਲ ਫੁਲਾਕਾ ਮਿਲੇਗਾ ।
ਉਹਨਾ ਦੱਸਿਆ ਕਿ ਨਿਰਮਲਜੀਤ ਸਿੰਘ ਰੰਧਾਵਾਂ ਮੁੱਖ ਵਣ ਪਾਲਣ ਸੇਲਜ ਪੰਜਾਬ ਅਗਵਾਈ ਹੇਠ ਨੈਸ਼ਨਲ ਹਾਈਵੇ ਅਥਾਰਟੀ ਦੇ ਸਹਿਯੋਗ ਨਾਲ ਪਲਾਂਟੇਸ਼ਨ ਕੀਤੀ ਜਾ ਰਹੀ ਹੈ ।
ਇਸ ਮੌਕੇ ਬਿਕਰਮਜੀਤ ਸਿੰਘ ਵਣ ਰੇਜ ਅਫਸਰ ਗੁਰਦਾਸਪੁਰ , ਅਮਰੀਕ ਸਿੰਘ ਵਣ ਰੇਜ ਅਫਸਰ ਆਲੀਵਾਲ , ਕੁਲਵਿੰਦਰ ਸਿੰਘ ਬਲਾਕ ਅਫਸਰ , ਅਕਾਸ਼ਦੀਪ ਸਿੰਘ , ਨਿਸ਼ਾਨ ਸਿੰਘ ਵਣ ਗੁਰਦਾਸਪੁਰ ਅਤੇ ਸਮੂਹ ਵਣ ਸਟਾਫ ਵਲੋ ਉਪ ਮੁੱਖ ਮੰਤਰੀ ਦਾ ਸੁਅਗਤ ਕੀਤਾ ਗਿਆ ।
