ਕਾਦੀਆ 13 ਜਨਵਰੀ ,(ਸਲਾਮ ਤਾਰੀ ) ਸਿਵਲ ਸਰਜਨ ਗੁਰਦਾਸਪੁਰ ਡਾਕਟਰ ਕੁਲਵਿੰਦਰ ਕੌਰ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਅਤੇ ਸੀਨੀਅਰ ਮੈਡੀਕਲ ਅਫਸਰ ਡਾਕਟਰ ਜਤਿੰਦਰ ਭਾਟੀਆ ਦੀ ਪ੍ਰਧਾਨਗੀ ਹੇਠ ਸੀ ਐਚ ਸੀ ਭਾਮ ਵਿਖੇ “ਧੀਆਂ ਦੀ ਲੋਹੜੀ ਮਨਾਈ ਗਈ। ਇਸ ਮੌਕੇ ਤੇ ਹਸਪਤਾਲ ਦੇ ਵਿਹੜੇ ਵਿਚ ਨਵਜੰਮੀ ਬੱਚੀ ਦੀ ਲੋਹੜੀ ਪਾਈ ਗਈ ਅਤੇ ਭੁੱਗਾ ਬਾਲਿਆ ਗਿਆ ਅਤੇ ਸਮੂਹ ਸਟਾਫ ਵਲੋਂ ਨਵਜੰਮੀ ਬੱਚੀ ਦੇ ਪਰਿਵਾਰ ਨੂੰ ਵਧਾਈਆਂ ਦਿੱਤੀਆਂ ਗਈਆਂ। ਇਸ ਮੌਕੇ ਅਤੇ ਐਸ ਐਮ ਓ ਡਾਕਟਰ ਜਤਿੰਦਰ ਭਾਟੀਆ ਵੱਲੋਂ ਸਮੂਹ ਸਟਕਫ਼ ਨੂੰ ਲੋਹੜੀ ਦੀ ਵਧਾਈ ਦਿੰਦੇ ਕਿਹਾ ਕਿ ਅਜੋਕੇ ਸਮੇਂ ਵਿਚ ਕੁੜੀਆਂ ਹਰ ਖੇਤਰ ਵਿਚ ਮੱਲਾਂ ਮਾਰ ਰਹੀਆਂ ਹਨ, ਇਹੀ ਕਾਰਨ ਹੈ ਕਿ ਅਸੀਂ ਸਾਰੇ ਮੁੰਡੇ ਕੁੜੀ ਦਾ ਫਰਕ ਭੁਲਾ ਕੇ ਆਪਣੇ ਵਿਹੜੇ ਵਿਚ ਧੀਆਂ ਦੀ ਲੋਹੜੀ ਪਾਕੇ ਸ਼ਗਨ ਮਣਾ ਰਹੇ ਹਨ। ਅਗਾਂਹਵਧੂ ਸੋਚ ਸਮਾਜ ਵਿਚ ਕੁੜੀਆਂ ਨੂੰ ਸਕਾਰਾਤਮਕ ਮਾਹੌਲ ਦਵੇਗੀ। ਬੀ ਈ ਈ ਸੁਰਿੰਦਰ ਕੌਰ ਨੇ ਦੱਸਿਆ ਕਿ ਨਵਜੰਮੀਆਂ ਬੱਚੀਆਂ ਦੀ ਅੱਜ ਸਿਹਤ ਵਿਭਾਗ ਵੱਲੋਂ ਲੋਹੜੀ ਮਨਾਈ ਜਾ ਰਹੀ ਹੈ ਜੋ ਕੇ ਸਮਾਜ ਨੂੰ ਸਮਾਨਤਾ ਦਾ ਸੁਨੇਹਾ ਦਿੰਦੀ ਹੈ। ਇਸ ਮੌਕੇ ਤੇ ਨਵਜੰਮੀ ਬੱਚੀਆਂ ਦੇ ਪਰਿਵਾਰਕ ਮੇਮਬਰਾਂ ਨੂੰ ਮੂੰਗਫਲੀ, ਫੁੱਲੇ,ਰਿਓਰੀਆਂ,ਗੂੜ, ਚਿੜਵੀਰੇ ਵੰਡ ਕੇ ਸਮੂਹ ਸਟਾਫ ਵਲੋਂ ਲੋਹੜੀ ਮਨਾਈ ਗਈ। ਇਸ ਮੌਕੇ ਤੇ ਐਸ ਐਮ ਓ ਡਾਕਟਰ ਜਤਿੰਦਰ ਭਾਟੀਆ, ਡਾਕਟਰ ਮੋਹਪ੍ਰੀਤ ਸਿੰਘ, ਡਾਕਟਰ ਰਮਨੀਤ ਕੌਰ, ਡਾਕਟਰ ਸੰਦੀਪ ਕੁਮਾਰ,ਬੀ ਈ ਈ ਸੁਰਿੰਦਰ ਕੌਰ, ਰਵਿੰਦਰ ਕੌਰ ਨਰਸਿੰਗ ਸਿਸਟਰ, ਸਿਮਰਤ ਕੌਰ ਫਾਰਮੇਸੀ ਅਫਸਰ, ਹਰਭਜਨ ਕੌਰ ਐੱਲ ਐਚ ਵੀ, ਜਸਬੀਰ ਸਿੰਘ ਐੱਲ ਟੀ, ਸਰਬਜੀਤ ਸਿੰਘ ਹੇਅਥ ਵਰਕਰ,ਪਰਜੀਤ ਸਿੰਘ,ਰੀਨਾ ਏ ਐਨ ਐਮ, ਮਨਜੋਤ, ਸਿਮਰਨ, ਗੁਰਜੀਤ ਸਿੰਘ, ਵਨੀਤ ਸਿੰਘ, ਸਰਬਜੀਤ ਕੌਰ,ਕੋਮਲ ਅਤੇ ਸਮੂਹ ਸਟਾਫ ਮੌਜੂਦ ਰਿਹਾ।