ਕਾਦੀਆਂ 14 ਅਕਤੂਬਰ (ਮੁਨੀਰਾ ਸਲਾਮ ਤਾਰੀ) ਸਿਵਲ ਡਿਫੈਂਸ ਵਲੋਂ ਅੰਤਰਰਾਸ਼ਟਰੀ ਦਿਵਸ ‘ਆਫਤ ਘੱਟ ਕਰੀਏ, ਗੁਰੂ ਨਾਨਕ ਖਾਲਸਾ ਪਬਲਿਕ ਸਕੂਲ (ਨਾਰੋਵਾਲ) ਬਟਾਲਾ ਵਿਖੇ ਵਿਸ਼ੇਸ਼ ਸੈਮੀਨਾਰ ਕਰਕੇ ਮਨਾਇਆ ਗਿਆ
ਇਸ ਮੌਕੇ ਦਲਜਿੰਦਰ ਸਿੰਘ ਵਲੋਂ ਕੁਦਰਤੀ ਅਤੇ ਗੈਰ ਕੁਦਰਤੀ ਆਫਤਾਂ ਨਾਲ ਨਜਿੱਠਣ ਲਈ ਆਮ ਨਾਗਰਿਕ ਦਾ ਕੀ ਯੋਗਦਾਨ ਹੈ ‘ ਬਾਰੇ ਦੱਸਿਆ ਗਿਆ|
ਦੀਵਾਲੀ ਇੱਕ ਖੁਸ਼ੀ ਦਾ ਤਿਉਹਾਰ ਹੈ। ਇਸ ਨੂੰ ਬਹੁਤ ਹੀ ਸੁਚੱਜੇ ਢੰਗ ਨਾਲ ਮਨਾਇਆ ਜਾਣਾ ਚਾਹੀਦਾ ਹੈ। ਸਾਨੂੰ ਇਸ ਮੌਕੇ ਤੇ ਆਪਣੇ ਵਾਤਾਵਰਣ ਦਾ ਵੀ ਧਿਆਨ ਰੱਖਣਾ ਚਾਹੀਦਾ ਹੈ। ਰਸਾਇਣਕ ਪਟਾਕੇ ਨਹੀ ਚਲਾਉਣੇ ਚਾਹੀਦੇ ਕਿਉਂਕਿ ਇਹਨਾਂ ਨਾਲ ਵਾਤਾਵਰਣ ਤੇ ਬਹੁਤ ਮਾੜਾ ਪ੍ਰਭਾਵ ਪੈਂਦਾ ਹੈ ਅਤੇ ਸ਼ਾਹ ਦੇ ਮਰੀਜ਼ਾਂ ਨੂੰ ਸ਼ਾਹ ਲੈਣ ਚ ਬਹੁਤ ਕਠਨਾਈਆਂ ਆਉਂਦੀਆਂ ਹਨ। ਵਾਤਾਵਰਣ ਨੂੰ ਬਚਾਉਣ ਦੇ ਲਈ ਸਾਨੂੰ ਤੁਹਾਡੇ ਵਰਗੇ ਸੁਹਜਵਾਨ ਵਿਦਿਆਰਥੀਆਂ ਦੀ ਲੋੜ ਹੈ ਸੋ ਕਿ ਭਾਵਿੱਖ ਵਿਚ ਵੀ ਵਾਤਾਵਰਣ ਦੀ ਸੰਭਾਲ ਕਰਨ ਗੇ।
ਗਰੀਨ ਦਿਵਾਲੀ ਸਬੰਧੀ ਰਾਘਵ ਗੁਪਤਾ ਨੇ ਬਚਿਆਂ ਨੂੰ ਈਕੋ ਫਰੈਂਡਲੀ ਦੀਪ ਮਾਲਾ ਦੇ ਸਬੰਧ ਵਿੱਚ ਦਸਿਆ ਕਿ ਸਾਨੂੰ ਮੋਮਬੱਤੀ ਜੋ ਕਿ ਕੈਂਸਰ ਕਾਰਕ ਹੈ ਤੇ ਬਿਜਲੀ ਦੀਆਂ ਲੜੀਆਂ ਪੈਸੇ ਦੀ ਬਰਬਾਦੀ,ਸੋ ਸਾਰਿਆਂ ਨੂੰ ਮਿੱਟੀ ਦੇ ਦੀਵੇ ਜਗਾਉਣੇ ਚਾਹੀਦੇ ਹਨ ਤੇ ਵਾਤਾਵਰਨ ਨੂੰ ਬਚਾਉਣ ਲਈ ਪਟਾਕੇ ਆਦਿ ਨਹੀਂ ਚਲਾਉਣੇ ਚਾਹੀਦੇ|
ਬਲਜਿੰਦਰ ਸਿੰਘ ਸੈਣੀ ਵਲੋਂ ਇਸ ਦਿਵਾਲੀ ਨੂੰ ਬੂਟੇ ਲਗਾ ਕੇ ਮਨਾਉਣ ਸਬੰਧੀ ਬਚਿਆਂ ਕੋਲੋਂ ਪ੍ਰਣ ਲਿਆ ਗਿਆ ਅਤੇ ਐਮਰਜੈਂਸੀ ਸਹਾਇਤਾ ਨੰਬਰ 101ਅਤੇ 112 ਸਬੰਧੀ ਦਸਿਆ ਕਿ ਅਗਰ ਫਾਇਰ ਬ੍ਰਿਗੇਡ, ਪੁਲਿਸ ਸਹਾਇਤਾ, ਅਤੇ ਐਂਬੂਲੈਂਸ ਆਦਿ ਦੀ ਜ਼ਰੂਰਤ ਪੈਂਦੀ ਹੈ ਤਾਂ ਅਸੀਂ ਕਿਵੇਂ 112 ਨੰਬਰ ਤੋਂ ਸਹਾਇਤਾ ਪ੍ਰਾਪਤ ਕਰਨੀ ਹੈ
ਇਸ ਮੌਕੇ ਸਕੂਲ ਸਟਾਫ ਵਲੋਂ ਪ੍ਰਿੰਸੀਪਲ ਮੈਡਮ ਰੰਜੂ ਸ਼ਰਮਾਂ, ਮੈਡਮ ਰਮਨਪ੍ਰੀਤ ਕੌਰ, ਮੈਡਮ ਹਰਵਿੰਦਰ ਕੌਰ, ਮੈਡਮ ਪ੍ਰਭਦੀਪ ਕੌਰ, ਅਤੇ ਮੈਡਮ ਰਮਨਦੀਪ ਕੌਰ ਵੱਲੋਂ ਸਿਵਲ ਡਿਫੈਂਸ ਟੀਮ ਦਾ ਵਿਸ਼ੇਸ ਧੰਨਵਾਦ ਕੀਤਾ ਗਿਆ| ਸਿਵਲ ਡਿਫੈਂਸ ਟੀਮ ਦੇ ਧਰਮਿੰਦਰ ਸ਼ਰਮਾਂ , ਹਰਜੀਤ ਸਿੰਘ ਸੰਧੂ , ਦਲਜਿੰਦਰ ਸਿੰਘ , ਰਾਘਵ ਗੁਪਤਾ, ਬਲਜਿੰਦਰ ਸਿੰਘ ਸੈਣੀ ਮੋਹਨ ਲਾਲ ਵਿਸ਼ੇਸ ਤੌਰ ਤੇ ਹਾਜ਼ਰ ਹੋਏ|
