ਹੱਕ ਹਲਾਲ ਦਾ ਖਾਧਾ ਬੱਚਿਓ
ਹਰ ਕੰਮ ਦੇ ਵਿੱਚ ਵਾਧਾ ਬੱਚਿਓ
ਘਰ ਵਿੱਚ ਰੱਖੋ ਸਬਰ ਸਬੂਰੀ
ਮਿਹਨਤ ਦੀ ਰੋਟੀ, ਲੱਗੇ ਮਿੱਠੀ ਚੂਰੀ
ਮਾਪਿਆਂ ਦੀਆਂ ਅਸੀਸਾਂ ਤੇ ਰੱਜਵਾਂ ਪਿਆਰ
ਜੱਗ ਤੋਂ ਕਰਦੇ,ਬੇੜਾ ਪਾਰ
ਨਾਂ ਆਵੇ ਤੋਟ ਹਮੇਸ਼ਾ ਰਹਿਣ ਭਰੇ ਭੰਡਾਰ
ਦੁੱਖ ਨੱਸਣ ਤੇ ਹੋਣ ਖੁਸ਼ੀਆਂ ਬੇਸ਼ੁਮਾਰ
ਹੱਕ ਮਾਰ ਜੋ ਲੋਕਾਂ ਦਾ ਖਾਂਦੇ
ਰੱਬ ਦੀ ਦਰਗਾਹ ਲਾਹਨਤਾਂ ਖਾਂਦੇ
ਚੋਰੀ ਝੂਠ, ਮੱਕਾਰੀ ਤੇ ਠੱਗੀ
ਨਰਕਾਂ ਦੇ ਰਾਹ ਜਾਂਦੀ,ਇਹ ਬੱਗੀ
ਜ਼ਰਨਾ, ਧਰਨਾਂ ਕਹਿਣਾ ਤੇ ਸ਼ਹਿਣਾ
ਸੱਭ ਤੋਂ ਉੱਚਾ ਸੁੱਚਾ ਇਹ ਗਹਿਣਾ
ਪਾਕ, ਪਵਿੱਤਰ ਤੇ ਸਾਫ ਚਰਿੱਤਰ
ਪੱਕਾ ਆੜੀ , ਰੱਬ ਜਿਹਾ ਮਿੱਤਰ ।
ਕੁੱਲਭੂਸਣ ਸਲੋਤਰਾ
- ਕਾਦੀਆਂ।।